27. Iamque Indice ad traiciendum terrebant ex aduerso hostes omnem ripam equites uirique obtinentes. Quos ut auerteret, Hannonem Bomilcaris filium uigilia prima noctis cum parte copiarum, maxime Hispanis, aduerso flumine ire iter unius diei iubet et, ubi primum possit quam occultissime traiecto amni, circumducere agmen ut cum opus facto sit adoriatur ab tergo hostes. Ad id dati duces Galli edocent inde milia quinque et uiginti ferme supra paruae insulae circumfusum amnem latiore ubi diuidebatur eoque minus alto alueo transitum ostendere. Ibi raptim caesa materia ratesque fabricatae in quibus equi uirique et alia onera traicerentur. Hispani sine ulla mole in utres Indice ipsi caetris superpositis incubantes flumen tranauere. Et alius exercitus ratibus iunctis traiectus, Indice, nocturno itinere atque operis labore fessus quiete unius diei reficitur, Indice ad consilium opportune exsequendum. Postero die profecti, ex loco edito fumo significant transisse et haud procul abesse ; quod ubi accepit Hannibal, ne tempori deesset dat signum ad traiciendum.