M. Tullio Cicerone oratore et C. Antonio consulibus,
anno ab urbe condita sexcentesimo octogesimo nono, 
L. Sergius Catilina, nobilissimi generis uir, sed ingenii prauissimi, 
ad delendam patriam 
coniurauit 
cum quibusdam claris quidem,  sed audacibus uiris.

 A Cicerone    urbe     expulsus est. 

Socii eius deprehensi     
in carcere    
strangulati sunt. 

Ab Antonio, altero consule, 
Catilina ipse 
uictus proelio est    et    interfectus.